The Espresso Connection (The Girl From The Coffee Shop 1) #romancenovels...

Kung may isang taong lubos na pinagpapantasyahan ni Maya, ‘yung isang titig lang ay nawawala na siya sa sarili, si Engr. Benjamin Contreras III iyon at wala nang iba. Guwapo, mayaman, simpatiko. Pero babaero rin ito at antipatiko kaya hindi na inasam ni Maya na maging isa sa mga girlfriends nito. Sapat na sa kanya ‘yung mahatiran ito ng kape sa opisina nito tuwing umaga, kahit pa nga halos himatayin na siya sa pagsakay sa elevator araw-araw. Kahit ilang palapag ng gusali, kahit abot hanggang langit, susuungin niya para lamang masilayan ang lalaki sa kanyang mga panaginip. At kung kailan suko na siya sa pangangarap na mahalin siya nito ay tsaka naman magbibiro ang tadhana at bigla siya nitong napansin. Pero paano kung kasabay ng pag-usbong ng isang bagong pag-ibig ay ang pagbabalik ng isang nilalang na pinag-alayan niya ng kanyang puso?